“Miss Azerbaijan” Milli gözəllik müsabiqələri respublikamızda 1996-cı ildən etibarən keçirilir.“Miss Azerbaijan” müsabiqəsində iştirak etmək hər bir gözəl qız qarşısında yeni imkanlar açır. Bizim qaliblərimiz və finalçılarımız beynəlxalq podiumlarda çıxış edir, televiziya verilişləri aparıcısı, özəl şirkətlərin reklam siması olur, model və yaxud foto agentlikləri, internet saytları, jurnallar və s. yaradır. Ölkəmizdə həyata keçirilən Gender siyasəti qızlarımızın bu imkanlardan sərfəli istifadə edə bilməsinə qeniş imkan yaradır və “Miss Azerbaijan” Milli gözəllik müsabiqəsinin keçirilməsi bu baxımdan xüsusi əhəmiyyət kəsb edir.
Hər il növbəti gözəllik müsabiqəsi başlamazdan əvvəl Təşkilat Komitəsi yaradılır. Bu Komitəyə ictimayətin nümayəndələri və mediyada tanınmış şəxslər dəvət olunur ki onlar müsabiqənin keçirilməsinə təşkilati dəstəy qöstərsinlər. Eyni zamanda Müsabiqənin təşkilatçıları KİV nümayəndələri, fotoşəkilçilər və fotostudiyalar, videoqraflar, dizaynerlər, frilanserlər, sponsorlar ilə qarşılıqlı fayda əsasında əməkdaşlıq yaradırlar. Müsabiqədən əvvəl iştirak etmək istəyən 16 yaşdan 26 yaşadək olan qizların dəvət olunması elan edilir. Kasting və seçim turundan sonra 16 qız finala keçir. Müsabiqənin finalını keçirmək üçün Münsiflər heyəti yaradılır. Münsiflərə mədəniyyət və incəsənət sahələrinin, KİV vasitələrinin, siyasət və biznes tanınmış simaları, həmçinin sponsorların nümayəndələri dəvət olunur. Münsiflərin səsləri 10 ball sistem üzrə hesablanır və yekunlara görə finalçı qızlar arasında əsas və sponsor nominasiyaları bölüşdürülür.
Müsabiqənin ssenarisi ümumə bu şəkildədir.
Biz əməkdaşlıq əsasında hər bir təzə ideyaya və təklifə, həmçinin müsabiqənin keçirilmə formatına novasiya qətirilməsinə hazırıq!
“Miss Azerbaijan” Milli gözəllik müsabiqələrinin təsisçisi və təşkilatçısı,
Təşkilat Komitəsinin sədri Orduxanova Anelya Abdullayevna.
Məlumat üçün:
2006-cı ilə qədər “Miss Azerbaijan” Milli gözəllik müsabiqələri Azərbaycan Mədəniyyət Nazirliyin lisenziyası əsasında keçirilirdi. 2006-cı ildən sonra Nazirliy yeni qaydalara əsasən mədəni-kütləvi tədbirlərin və o cümlədən müsabiqələrin keçirilməsinə lisenziya verilməsini ləğv etdi.
“Miss Azerbaijan” Milli gözəllik müsabiqələrinin keçirilməsi üçün hazırda hüquqi əsas aşağıdakı təşkil edir:
- Azərbaycan Respublikası Müəllif Hüquqları Agentliyinin Orduxanova Anelya Abdullayevnanın adına verdiyi 7192 nömrəli 29.05.2012-ci il tarixli Qeydiyyat Şəhadətnaməsi.
- Azərbaycan Respublikası Standartlaşdırma, Metrologiya və Patent üzrə Dövlət Komitəsinin Orduxanova Anelya Abdullayevnanın adına verdiyi 20130462 nömrəli 23.04.2013-cü il tarixli Qeydiyyat Şəhadətnaməsi.
