Beş ildir ki, fotomodel kimi fəaliyyət göstərən Fidan Abbasova  uzun sürən susqunluqdan sonra geri qayıdır.

Fidanın Axşam.az saytına verdiyi məlumata görə, o, bundan sonra tək fotomodel yox, həm də müğənni kimi fəaliyyət göstərəcək.

“İki ildir ki, sənətimə ara vermişdim. Səyahəti çox sevdiyimdən dünya gəzintisinə çıxmışdım. İngiltərə, Türkiyə, Xorvatiya və Avstraliyanı gəzdim. Amma bu müddət ərzində də boş oturmamışam. Yeniliklər hazırlamışam.

Yeni il gecəsi həyatımın ən böyük hədiyyəsini aldım, bibi oldum. Bu da mənə əlavə ruh verdi” deyən Fidan 2013-cü ildə yenilikləri ilə hamını heyrətləndirəcək:

“Yeni layihələrimdə ilk addımımı sizin saytınıza fotosessiya etdirməklə atdım. Çəkilişdə İstanbuldan Orkhan adlı dostumun mənə hədiyyə etdiyi pişiklə iştirak etdim. Bu yaxınlarda şəhərin bütün bilbordlarında fotolarım yayımlanacaq. Yeni mahnı hazırlayıram. Həm də məşhur müğənnidən klip təklifi almışam. Bu, Pərviz Əzimzadənin mənə Yeni il hədiyyəsi oldu. Yaxın günlərdə çəkiliş üçün Kiyevə yola düşəcəyik. Müğənninin adını hələ ki, açıqlamaq istəmirəm. Tezliklə efirlərdə görünəcəyəm”.

Foto: Bəhruz Əlizadə

Müəllif: Axsam.az